The Orange Lilly "O"

The Orange Lilly "O"

Wednesday, 18 May 2011

Parcel O' Rogues

Parcel O' Rogues

Fareweel to a' aur Scottish fame,
Fareweel aur ancient glory;
Fareweel e'en tae aur Scottish name
Sae fam'd in martial story
Now Sark rins tae th' Solway sands,
An' Tweed runs tae th' ocean..
Tae mark whaur England's Province stands,
Sic a parcel o' rogues in a nation!

What force or guile could no subdue
Thro' many warlike ages,
Is wrought now by a coward few
For hireling traitor's wages.

The English steel we could disdain,
Secure in valour's station.
But English gold has been aur bane:
Sic a parcel o rogues in a nation!

Oh, wud or I had a seen the day
That treason thus could sell us!
My auld grey heid had lien in clay,
Wi' Bruce and loyal Wallace!

But, pith and power, till my last hour,
I'll mak this declaration:
We were bought and sold for English gold!
Sic a parcel o' rogues in a nation!
Sic a parcel o' rogues in a nation!


No comments:

Post a comment